St. Cyril of Alexandria

St. Cyril of Alexandria
A.D. 444

Si St. Cyril gintawag nga “Doctor of the Incarnation.” Iya ginasaysay kag ginapaathag ang doktrina sang misterio sang “Pulong sang Dios nga nangin-Tao.”

Sang tuig 428 may isa ka pari nga monghi, kag nangin arsobispo sang Constantinople. Siya amo si Nestorius nga nagtudlo nga may duha ka natures si Kristo, ini amo ang nature Niya bilang tao kag ang ikaduha amo ang nature Niya bilang Dios. Ining duha Niya ka natures natingub lang tungod sinang “moral union” nga sa diin ang Dios nagpuyo sa sining pagkatao ni Kristo bilang templo lang sang pagkabalaan indi tungod nga ining duha ka “natures”– ang pagka Dios kag ang PagkaTao isa lang, nga amo ang ika-duha nga Persona sang Dios, ang Pulong sang Dios nga nangin Tao. Suno pa gid kay Nestorius ang Mahal nga Birhen indi dapat tawgon nga Iloy sang Dios (Theotokos), tungod siya iloy lang ni Kristo nga Tao kag indi bilang iloy ni Kristo, nga Dios kag tao nga matuod (hypostatic union) kag ika-duha nga Persona sang Dios. Ining nga pagtulun-an nga ginduso ni Nestorius nangin daku nga sala (error) sa bahin sang pagtuluohan sang Simbahan. Madamo ang nagtalang. Gani nagpadala si St. Cyril sa iya sang isa ka sulat nga nagapamatok sa sini nga pagtuluohan ni Nestorius. Apang wala siya sini ginsapak kundi labi pa gani nga nagpalabi-labi, kag maisog nga nagpanindugan sa iya ginatuohan. Ginhingyo kuntani sia ni St. Cyril nga akuon ang iya kasaypanan kag tadlungon ang sala niya nga pagtuo. Wala gid sia magsapak subong bala nga wala sia sing pagtaha kay St. Cyril.

Tungod sang indi paghinangpanay sa tunga ni Nestorius kag Cyril nahanugod sa sini nga doktrina gintukod ang 3rd General Council of Ephesus sang anyo 431. Ini nga Council gintambungan sang duha ka gatos nga mga obispos sa diin si Cyril amo ang nagpangulo kag bilang representante ni Pope Celestine. Diri sini nga pagtilipon gindiskusyonan ang doctrina nahanungod sang pagkaDios kag pagkaTao ni Kristo (human and divine nature of Jesus Christ). Ang mga doctrina ni Nestorius nahanunngod sa pagkaTao ni Kristo kag ang pagka Iloy ni Birhen Maria kay Kristo nga Tao wala ginbaton sa council kag ila ini gincondenar. Diri man sini nga Council gin-excommunicate kag gin-depose si Nestorius tungod sang daku nga error ukon heresy sang iya doktrina. Ini nga heresy nagadala sang iya ngalan “Nestorianism”.

Nagdaug si Cyril sa pagpangapin sa pagtuo. Si Pope Celestine nagtawag sa iya nga “the generous defender of the Catholic faith” Siya ang tao nga may mabaskog sing panindugan, maisog kag madali mag-akto sa mga kahigayunan nga kinahanglanon. Sang iya panahon, Nestorianism kag Pelagianism ang nagasulay sa Simbahan apang wala ini magmadinalag-on.

Reflection by Fe Marina S. Siacon:

Utang naton kay St. Cyril ang maathag nga paghangup sang sini nga mga doktrina kon sa diin nangin mabaskog pa gid ang aton pagtuo kay Ginoong Jesus. Kon indi tungod sa iya ayhan nagtalang man kita. Dapat magmapinasalamaton kita sa iya subong nga panahon kay nangin masanag na sa aton ang misterio sang “Pulong sang Dios nga nangin Tao.” Ara na kita sa kasanag sang pagtuluohan sa simbahan nga Katoliko. Ang iya ginbilin sa aton amo ang debosyon sa Santo Sacramento. Amo ini ang iya pagpati sa Santo Sacramento nga dapat man naton tularan. “in holy communion we are made concorporeal with Christ.” His letter to Nestorius stated: Proclaiming the death according to the flesh of the only begotten Son of God, and confessing His resurrection from the dead and ascent into Heaven, we celebrate the bloodless sacrifice in our churches; and thus approach the mystic blessings, and are sanctified by partaking of the holy flesh and the precious blood of Christ the Savior of us all. And we receive it, not as common flesh (God forbid), nor as the flesh of a man sanctified and associated with Word according to the unity of merit, or as having a divine indwelling, but as really the life-giving and very flesh of the Word Himself.

Halin sang una tubtub subong mabatyagan ko nga kulang ang akon pagsimba kon indi ako maka-pangalawat. May hollow nga part sa akon heart. Ini tungod nga ang aton heart natunga sa duha – ginkuha ni God ang sangkatunga ang tunga nabilin sa aton nga mga tao. Ti sa pagbaton naton kay Jesus sa aton heart nangin whole na ini tungod ang ½ nga Iya kag ½ nga aton nabuo, nangin bilog kag wala na sing hollowness. Siling ni San Agustin – “Our heart is restless, till it finds rest in You, O Lord.”