Panginbulahan! Welcome sa Kristyanong Katilingban!

Panginbulahan! Welcome sa Kristyanong Katilingban!

Sanday Lina D. Belandres, 49 years old Lorenel S. Estorninos, 18 years old kag Jochebeb Kyle D. Failaban, 20 years old ginbunyagan sang Pebrero 18, 2009 5:30 sa hapon, sa sulod sang Santos nga Misa nga ginsaulog ni Rev. Fr. Carlo Noquez. Ginsunod ang sakramento sang pagkompirma kag kalawat. Ini ang ginatawag nga Full Initiation, nga amo ang pundasyon sang tagsa ka kristyano sa pagkabuhi espirituhanon. Pagkatapos sang seremonya malipayon nga ginpakilala sang aton pinalanga nga pari ang mga binunyagan.
Sa ila pagpabunyag nangin bag-o sila nga tinuga nga ginpabakud sang sacramento sa pagkompirma. Nagbaton sila sang tinapay sang kabuhi sa Santos nga Eukaristia.

Ining tatlo ka binunyagan hilway nga nagpresentar sang ila kaugalingon para magpabautiso sa simbahan Katoliko. Gintalana ang ila interview kay Rev. Fr. Andy Esperancilla. Pagkatapos sina nagpaidalum sila sa katesismo sa sulod sang isa ka bulan sa idalum sang pagtudlo ni Mr. Antonio Pasquin.

Ining pagpabunyag nila isa ka prebelehiyo nga ginbugaysa ila sang mahal nga Dios. Tungod sining mga sakramento nga ila nabaton nagpatubo sa ila sang grasya sang pagtuo sa pagtuman sang binubuot sang Dios.