BAG-O NGA PANUGOD Rehabilitation Update

BAG-O NGA PANUGOD
Rehabilitation Update

Natapos na ang pagpanghatag sang materyales sa onse (11) ka mga barangay sa ciento sinquenta y ciete (157) ka pamilya nga “totally damaged”. Bahin pa ini sang mga panimalay nga nahalitan sang bagyo “Frank”.

Ang Chapel sang Barangay Lourdes isa man sa naguba sang bagyo “Frank”. Ang gastos para sa materyales pagakuhaon sap undo sang Bag-o nga Panugod. Ag mga pumuluyo nagabuligay dagyaw para matukod liwat ang chapel. Ini ginapamunuan sang ila Brgy. Kapitan nga si Jessie Casumpang kag sang iya mga kagawad, upod sa ila mapisan nga barangay coordinator. Kabay mabalay liwat ini nga chapel, agud matipunan sang mga tumuluo sa amo nga barangay bilang isa ka pamilya nga may paghiliusa, pagbinuligay, paghiliugyon kag paghigugma sa isa kag isa.

Ang aton rehabilitation committee nagpaninguha gid para matigayon ini nga mga hilikuton sa pagpamuno sang aton mapisan nga Rehabilitation Coordinator Ms. Emma Victoria kag ang priest in-charge Rev. Fr. Andy Esperancilla.

Liwat nga ginapasalamatan sang Kura Paroko sini nga parokya ang mga may buluwanon sing tagipusuon nga naghatag sang ila bulig kag pagsuporta.