Ang Sagrada Familia

Ang Sagrada Familia
Rev. Fr. Mark Lester Senina

Ginasaulog naton subong ang Fiesta sang Sagrada Familia.

Ginadumdum naton ang aton Mahal nga Iloy, nga after a series of question and answer portion kay Angel Gabriel, sa pihak sang iya nga pagpangduhaduha nga mangin iloy sang Dios, sa ulihi bangud sang iya pagsalig kag paghigugma sa Dios, matinumanon nga ginbaton ining mabudlay nga responsibilidad sa iya kabuhi.

Ginadumdum man naton si Jose nga nagpangduhaduha man nga batunon si Maria bangud nahibal-an niya nga nagabusong na ini. Pero pagkatapos sang iya damgo kon sa diin ginhambalan siya sang Dios nga batunon niya ang panugyan nga mangin bana ni Maria, puno sing pagsalig sa Dios nga ginbaton ini nga responsibilidad.

Ginadumdum man naton si Jesus, ang Dios nga nagpakatawo, nga bangud man sang Iya nga paghigugma sa Iya Gamhanan nga Amay, nagapasugot nga magkari diri sa duta bilang Tao.

Isa ka Pamilya nga may nagakalain-lain nga eksperyensya sa ila kabuhi. Pero sa pihak sang ila nagakalainlain nga inagihan may ara gihapon nga similarity ang ila nga experience sa aton pagpangabuhi. Kag ina amo ang PAGHIGUGMA SA DIOS. This is what made the Holy Family unique and beautiful tungod sang ila nga paghigugma sa Dios. Ang Dios indi lang foreigner sa ila kabuhi, indi lang amo ang talawgon nila kon may problem sila, indi lang ang Dios nga daw palautwasan sang ila ginabudlayan nga balatyagon, kundi ang Dios nangin parte gid sang ila kabuhi.

Sa aton iya nga pamilya kon kaisa nalipatan na naton ang Dios. Daw dekorasyon lang Siya sa aton kabuhi, talawgon kon may kinahanglan, palautwasan kon may problema, kag kon kaisa nangin alakigan kon may kadimalason nga matabo. That is why many families are destroyed kag indi maayo ang kahimtangan bangud kay sa ila kabuhi puro lang kwarta, pagpadako sang manggad ang ginahingamo, ang Dios iya wala na ginasapak.

Sa sining aton pagsaulog sang Fiesta sang Holy Family, kabay nga mangin katulad kita sa ila, nga ibutang ang Dios nga sentro sang aton panimalay, nga ang Dios amo ang maga patikang sang aton pamilya.

Ang isa ka pamilya mangin maayo katulad sa Sagrada Familia, if they have God in their life. Ikaw utod, is God present in your family? If not, invite Him and make Him the center of your family life, NOW!